日乙未有因里奧而暫停戰火，周四如期上演全部11場比賽，心水場次是山口雷法主場對大阪櫻花。櫻花雖是名牌球隊，但近況低沉，加上有數名主力因傷缺陣，故未必有力作客贏雷法，要讓平/半宜博雷法下盤。
櫻花之前走勢強勁，曾連贏五場聯賽，但踏入暑假後狀態回落，近六場聯賽只取得一勝兩和三負，其中上場更於主場爆冷負FC橫濱2:3。同時，櫻花的陣容亦不整，中場主力伊利亞斯蘇沙要坐波監，中場秋山大地、前鋒柿谷曜一朗及米澤令衣正在養傷，就算杉本健勇、山口螢及丸橋祐介等前中後三線場主力可披甲，實力仍大打折扣，難作客贏雷法。
至於雷法除有主場之利，狀態亦較好，其中上場作客贏町田澤維亞3:2，近六場聯賽三勝兩和一負，而且未有主力傷停，人腳相當完整。司職中場的島屋八德上場入兩球後於今季聯賽已入八球，夥拍中山仁斗、三幸秀稔及福滿隆貴等進攻，有力為櫻花後防帶來威脅。
心跳傷兵多難「成功」
同日清水心跳主場對長崎成功丸，心跳前鋒鄭大世狀態甚勇，近九場聯賽入了九球，但他們近況較飄忽，又多傷兵，包括門將西部洋平、後衞鎌田翔雅、犬飼智也、川口尚紀及前鋒大前元紀等，其中前鋒大前元紀乃進攻主力，今季聯賽已入12球，故面對強陣且近八場聯賽取得六勝一和一負的成功丸，要全取三分有難度，讓半/一宜博成功丸下盤。