友賽攻略︰修咸頓穩勝愛奴

修咸頓今夏雖然星散，不過於季前熱身賽表現好四戰全勝，周三於主場戰西班牙球隊愛斯賓奴，料可乘勝追擊，一於捧主W。
修咸頓今夏慘被拆骨，領隊朗奴高文過檔愛華頓，中前場三大主力雲耶馬、沙迪奧文尼及加斯安奴柏利亦轉投其他球會。不過球隊似乎未受影響，季前熱身賽四戰全勝，先後贏登地聯U23、施禾利、川迪及格羅寧根。球隊上場以強陣友賽格羅寧根，相信周三約戰愛斯賓奴亦不例外，料費沙科士打、佐迪卡斯、沙恩朗、杜辛泰迪治及查理柯士甸等正選或後備落場；其中查理柯士甸腳風頗順，熱身賽已入兩球。
愛斯賓奴早前到荷蘭集訓並約戰烏德勒支、阿梅爾城及精英隊，取得兩勝一和，狀態不比修咸頓差。然而，球隊在荷蘭集訓完後再轉至英格蘭練習，顯然想操「弗」狀態，加上周六還要到葛迪遜公園球場鬥愛華頓，爭勝決心或不及於主場作賽的修咸頓；更何況今夏連訪兩個歐洲國家，球員難免有疲態。故此，宜秤先修咸頓。
朗尼紀念賽倒戈
同日曼聯主場對愛華頓，今仗不但是前者今夏第四場友賽，亦是隊長朗尼的紀念賽。曼聯今夏踢了三場熱身賽，取得兩勝一負，表現算是對辦，加上有朗尼、伊巴謙莫域、基斯史摩寧及迪基亞等主力歸隊，陣容相當完整，因此有力於奧脫福報捷。