智利主場贏玻贏盤
   
美洲國家盃A組賽事，主辦國智利上輪失分，最後一輪再出擊肯定唔可以有差池，適逢對手玻利維亞離開高原就例打折扣，故此足智彩開讓球主客和，可以搏智利開1.7倍「讓主」贏「玻」贏盤。（周五3，now681台周六7:30am直播）

作為東道主，智利上輪只能夠同墨西哥踢成3:3平手，球迷當然唔收貨啦！但係要留意智利入到3球亦相當唔簡單，特別係效力祖雲達斯嘅維達爾，佢喺比賽加埋入已3球，醉駕案又獲輕判唔使停賽，今場定全力搏殺以挽回球迷信心，各位可以放心。
效力阿仙奴嘅阿歷斯山齊士上仗被對手緊盯，未發揮應有水準，不過佢始終係有料之人，季尾幫阿仙奴捧走足總盃冠軍已見功架，至於同樣喺英超搵食嘅伊度亞度華加斯狀態亦佳，剛戰入波有助佢增強信心，畢竟呢位前鋒早兩年亦係自由盃神射手，射術方面唔須要懷疑，故此智彩嘅攻擊線係信心保證，買佢哋絕對唔使擔心冇波入，咁你話買「讓主」係咪抵玩先？
玻利維亞上戰亦有3球進帳，佢哋以3:2爆半冷擊敗厄瓜多爾，暫時喺A組同智利同分，真係跌晒眼鏡，不過要留意玻利維亞上次係半場領先3:0，分別由拉迪斯、拉美貝治達蘭斯同埋馬些路摩連奴建功，但換邊後就走晒樣，被厄瓜多爾追近至2:3完場，連教練都鬧班球員唔夠集中，並出現氣力不繼嘅情況，高原球隊去到至地踢波經常有呢種情況，我哋睇開波都見怪不怪啦！

對賽往績大利主隊

如果睇埋往績，你就會更加有信心買智利開「讓主」，事關兩軍近6次交手，玻利維亞一次都未贏過，當中錄得1和5負嘅劣績，而輸俾智利嗰5次入面，每次都淨負兩球或以上，真係格食格。