狮吼射手占美麦卡伦为签「肥约」，今仗定必骚哥利。
next 1/1 pre澳职最后一个高潮今日上演，榜首嘅ＦＣ悉尼会喺主场迎战布里斯班狮吼，两队今季加埋只係输过1场，呢次高手对垒，仲唔係今年压轴好戏？狮吼虽然依家落后ＦＣ悉尼9分，不过讲到硬净，佢哋绝对唔输蚀畀主队，大战当前，一班球员就加倍落力交出最佳表现。相反ＦＣ悉尼积分领先太多之下，心态上或者会觉得唔输已经ＯＫ，因此让波未必抵玩，捧下盘仲稳阵。（有线64及203台周五下午4时50分直播）
ＦＣ悉尼上场大破阿德莱德联之后，开季12场联赛不败兼打破澳职纪录，由于依家喺榜首有极大优势，嚟紧呢啲争标球队互撼大战，ＦＣ悉尼大把本钱同你叹慢板，就算和波收场，齐齐失分亦无伤大雅，反正不败走势依然继续，所以争胜意欲未必太强。ＦＣ悉尼前排已经同教练艾莱特续约2年，相信喺样样嘢持续稳定进行之下，或多或少会影响表现，球员未必够积极。
布里斯班狮吼表现亦足以媲美ＦＣ悉尼，已经连续10场联赛不败，一般对手要赢佢哋唔容易。几位主力状态大勇，其中更包括王牌前锋占美麦卡伦，佢同球会仲有半年合约，呢排大把球队排住队斟佢，但据闻佢正係同球会斟紧一份澳职顶级薪酬合约，呢个时间梗係要骚吓「哥利」，证明自己实力以抬高身价啦！此外，后防核心迪维利上场表现亦一夫当关，佢有4次拦截同10次阻止对方传球嘅数据，都相当惊人。狮吼有占美麦卡伦同迪维利呢对孖宝助阵，加埋球队近排硬净度十足，真係好难输波，受让半一之下，宁愿要下盘。
