云尼亚里、一位白髮嘅老牌教头，Peter有幸喺2003年首届英超亚洲挑战杯同佢相遇，当时佢带领车路士喺吉隆坡出战！经过10多年光景，云帅终于喺去年达成愿望，教出「庶渣价钱踢出烧鹅味道」，带领李斯特城以大冷门身份勇夺英超冠军。
去年的事不要再提，云尼亚里今年一早已替球队订下目标。由于英超不易再创造衞冕奇迹，虽然李斯特城喺欧联分组赛嘅对手唔算弱，喺有波图同布鲁日呢啲欧洲二线球队下，仍然造出5战4胜1和嘅佳绩，早早抢得出线资格。
你可以话云尼亚里「老狐狸」，但Peter觉得用「老谋深算」较贴切，就係能够「自己知自己事」，喺限米煮限饭情况下，唔会将自己嘅目标摆喺冇可能发生嘅地方。云尼亚里知道欧联係金钱游戏，每晋一级都有额外奖金，喺分组赛首名出线，晋级16强先袋丰厚嘅收入，如果16强抽得好籤入埋8强，到时条数认真和味。
「狐狸」今季冇咗世界级防中尼高路简迪下，表现仍然唔错，喺英超平平稳稳同埋欧联战绩彪炳，可见云尼亚里睇嘢非常通透，唔会妄想做一啲达唔到嘅目标，所以Peter非常钦佩呢位曾有一面之缘嘅资深教头。
金句：人贵自知、我欣赏云尼亚里
