ＦＣ悉尼灵魂 连高域
next 1/1 pre墨尔本城射手 科拿路利
next 1/1 preＦＣ悉尼前锋 保斯基
next 1/1 pre墨尔本城老将 卡希尔
next 1/1 pre澳洲足总杯王者之战今日爆发！今场绝对係强者对垒，事关对赛双方，依家正正係澳职联赛排喺最前两位嘅FC悉尼同墨尔本城。论实力，两队都不相伯仲，FC悉尼今季成绩好啲，不过由于呢场喺墨尔本城主场AAMI公园球场举行，因此形势又戥番匀，预计两队都唔敢冒险，会以稳阵行先，再加上过去两届决赛都係以1球同2球分胜负，所以今场捧中位数2.5球嘅入球细最正路。
（有线64及203台周叁下午4时30分直播）
翻查之前赛果，对上两支冠军墨尔本胜利同阿德莱德联分别赢2比0同1比0捧杯，大家都以唔失波为大前提，所以踢法上比较喺出战联赛，保守一啲就必然喇。墨尔本城同FC悉尼都係擅于施展紧迫踢法，预期中场会有连串激烈嘅争夺战，预计战况拉锯居多，未必会有好多攻门镜头。
过去两届决赛，都係由佔主场之利嘅球队封王，因此墨尔本城呢场佔咗地利。不过，大赛前夕，佢哋有中场奥沙麦马历鼠蹊受伤缺阵，削弱咗战斗力。好彩仲有卡希尔等身经百战嘅老将押阵，呢场波肯定唔会同你急，一于以耐性同你斗磨。
作客嘅FC悉尼喺联赛已经连续2场和波，近况有回落迹象，但佢哋胜在防守力一流，今届杀得入嚟决赛，亦係全靠稳健嘅防务，之前每一圈赛事都保持不失，可想而知呢队波守得有几劲！睇嚟墨尔本城要攻破佢哋大门有相当难度，呢场五五波嘅决赛好可能会以一球定胜负，细盘绝对值得支持。
