今季叁支英超升班球队虽然季前唔被看好，但踢落唔算失礼，其中米杜士堡先后守和阿仙奴同曼城，被视为新一代「泊大巴」专家。不过血肉长城阵唔会次次咁好彩，近期弗到爆灯嘅车路士向来係新升班球队剋星，睇嚟米堡今场要交吓学费，车仔作客让一球照捧上盘。
（now 621及LeSports HK应用程式周一凌晨零时直播）
论英超近期状态最好球队，非利物浦同车路士莫属，车路士自改踢干地招牌３４３阵式后，不但取得联赛5连胜，更射入16球而不失1球，当中嘅战术改变同３４３厉害之处，坊间已有好多分析，乐比亦唔花篇幅复述，反而想提出一点，就係车仔对新升班球队向来战绩彪炳，呢个恰新人传统相信可继续维持。
睇番车仔过去对新升班球队成绩，主场最叻保持过43场不败，呢个纪录直至上季先被打破，至于作客胜率亦高企，过去3季保持8成胜率，今季面对其余两支新升班球队，分别以3比0大胜般尼及2比0击败侯城，可见车仔对住新仔绝不留手。
或者大家会担心国际赛后，车仔班国脚会身心俱疲，但好消息係早前受轻伤嘅夏萨特同迪亚高哥斯达都可随时候命，加上车仔今季唔使分心踢欧洲赛，成队波都健健康康状态托弗，以佢哋现时兵力真係有啲人才过盛，有边个踢得唔好，即刻由第2个顶上，令爆冷失分嘅机会大大减少。
米堡季初畀人唔够班感觉，近几场刻意加强防守，战绩有所改善，不过进攻能力始终太弱，长期处于捱打状态，正所谓久守必失，好难单靠一招泊大巴走天涯，何况车仔自改踢３４３阵式后已Upgrade咗，进攻比以往直接好多，铁桶阵已难唔到佢哋，今场一于继续搭「顺风车」！
