今晚欧联最瞩目之战，当然係死亡C组嘅曼城返主场再斗巴塞隆拿。纵然曼城主帅哥迪奥拿同巴塞渊源甚深，正所谓落场无父子，作为一名专业领队，落得球场面对的另一队全部都是敌人，任何私人感情，统统要摆埋一边。
睇番C组形势，曼城只得4分排第2位，唔单止畀巴塞甩开5分，而且只係比慕逊加柏及些路迪多1分同3分，出线形势绝对唔稳阵，虽然日前联赛作客击败西布朗，终止6场不胜嘅颓势，但今仗面对级数高几条街嘅巴塞，要赢波全取3分可谓充满难度。
「蓝月亮」近几年已赢过英超、英联杯同社区盾等国内锦标，早已将目标指向欧联，今季不惜邀请哥迪奥拿执教，球队对呢位名帅言听计从，昔日功臣赫特及耶耶托尼等被放弃，佢话要识传波嘅门神，即刻从巴塞撬走哥迪奥巴禾，要知道曼城上届欧联杀入4强，倘若哥帅未能有所突破，只係继续于国内做山寨王，与前任比历连尼、文仙尼又有何分别呢？
哥迪奥拿自离开巴塞后，未曾再带队登上欧洲之巅，近3届率领拜仁都只係4强止步，哥帅想证明自己当年嘅成就，并非倚赖人脚强大嘅巴塞，而係本身有真材实料，今仗再斗母会可谓许胜不许和，为出线为面子，今仗必定谷前抢攻，从投注角度嚟睇，不妨捧中位数2.5球嘅入球大。
欧联再遇巴塞：哥帅的日与夜
