澳洲足总杯4强，墨尔本胜利斗墨尔本城，今场胜出者将同上周晋级嘅FC悉尼争夺冠军宝座。儘管衞冕嘅胜利开咧头两场未赢过，包括喺「墨尔本打吡」耻辱性1比4惨不敌墨尔本城，好在上场绝杀「阿联」开斋，最令人欣喜嘅係王牌前锋贝利沙打破入球荒，同埋今季新加盟嘅新西兰翼锋马高洛查士亦有士哥，再加上球队喺转会窗关闭前，成功向德甲缅恩斯借用嘅进攻中场比斯达今场可以上阵，火力相当强劲。呢场无论係为晋级抑或为报仇，一定同墨尔本城抢攻，大开入球骚！
墨尔本城喺澳洲足总杯同联赛开锣后双线发展，一度豪取5连胜，不过上场联赛主场2比3输畀珀斯光辉，又再暴露防守不稳嘅老问题。因为呢个塬因，今场要赢波杀入决赛，就要靠一对入球保证卡希尔同科拿路利表现出高效率喇，佢哋今季6场有5场都可以攻入两球或以上，今日再踢「墨尔本打吡」，肯定又同对方驳火。
（有线64及203台周二下午4时30分直播）
