欧联外围赛附加赛次回合今晚上演余下嘅5场赛事，当中俄超球队罗斯托夫会喺主场对荷甲阿积士。罗斯托夫上仗作客畀阿积士逼和1比1，但揸住1个作客入球喺手有着数，今仗回师主场出战，面对近况麻麻嘅阿积士，度士睇好佢哋可以喺主场赢波，平手盘一于捧主队罗斯托夫。

（有线64及203台周四凌晨2时45分直播）

主队联赛大捷重拾信心

罗斯托夫早前出现唔少内部问题，好似前教头比迪耶夫大约1星期前辞职，由看守领队卡利兰高上任，近日虽有安哥拉后衞巴斯图斯转投意甲拉素，但球队兵源充足影响唔大。罗斯托夫上仗联赛主场3比0大胜杜莫斯，可见球队已重拾信心，上仗作客阿积士都可以入到波，主场出击相信更有机会取得入球，今仗值得看好。

阿积士近期表现认真麻麻，球队连续3场未赢过，其中上仗主场对威廉二世，竟喺领先1球下畀对手反胜，对士气影响甚大。阿积士首回合主场赢唔到之余，仲畀对手攞到作客入球，今仗远征俄罗斯相信更难踢，度士睇好罗斯托夫今仗主场可以赢波，平手盘一于撑主队。