自8月3日起，笔者为「叁色台」于今届里约奥运嘅评述工作，终于曲终人散，喺呢个连续19日嘅夜以继日、评述达30多项嘅体育项目嘅前所未有经历，可谓百感交集。
不但见证咗美国「水神」菲比斯今届以5金1银从谷底反弹，个人喺奥运合共取得23面金牌完美告别嘅传奇之旅，亦看到港队「牛下女车神」李慧诗（Sarah）于竞轮赛当黑「炒车」、争先赛8强出局后嘅泪水，运动就是这样的，奖牌只得金、银、铜，即可能有1万个落败者，在此寄语Sarah，冇牌落袋唔紧要，运动员切忌过于缅怀昔日嘅光辉，以及沉溺喺旧日嘅失败，最重要係忘记背后、努力面前，向着正确嘅标竿直跑，抱着对运动嘅热情迎难而上，绝对有力捲土重来，菲比斯正是最佳例子。
游泳池上有菲比斯超人般嘅成就，亦有其同胞罗切特声称被打劫、最终塬来係报假案嘅闹剧，1位曾奖牌无数嘅优秀泳手，竟然做出如此bone head（愚蠢）嘅行为，令人百思不得其解；笔者只能够解释，运动员全部都係凡人，有时所作所为，好嘅可以好好，但差嘅亦可以令人难以置信。查实人称桂神嘅笔者亦非神，只係1位极其平凡、但非常热爱体育嘅常人，有幸参与今届马拉松式嘅奥运评述，真係夫复何求。
事在人为，有时都几恐怖，都几费解
