周三凌晨英冠升班附加赛4强次回合，西布朗主场再斗阿士东维拉。西布朗首回合输1比2，仲有射手杜韦加尔红牌被逐，要同笠臣简奴齐齐坐波监，想反胜难度唔少，平手盘捧维拉。
（周三凌晨3时开赛，马会网上文字直播）
正所谓拳怕少壮，早前喺欧联捲起青春风暴嘅阿积士，就用实际表现证明后生先係赢波本钱，而英冠阿士东维拉今季亦係靠一班年轻球员担大旗，其中年仅21岁嘅谭美阿巴谦就成为球队头号射手，计埋首回合射入为球队反超比数嘅关键12码，呢位车路士借将喺英冠已经累积射入26球。不过球队真正核心，肯定非10号仔基亚利殊莫属，呢位英格兰23岁小将今季大放异彩，首回合贡献1助攻之馀，仲为球队博到12码，次回合维拉有两位明日之星压阵，绝对有力再下一城。
西布朗两大核心齐停赛
相反西布朗继主力前锋笠臣简奴早前被罚停赛3场缘尽附加赛之后，首回合仲有另一位射手兼入波功臣杜韦加尔被逐，今晚两大进攻核心决阵，势将进一步削弱西布朗前场攻力。况且取得领先优势维拉佔尽主动权，次回合打和都可以晋级，肯定会踢得更保守，西布朗形势不容乐观，阿士东维拉平手盘更好路。