至于早场我哋亦有哈化柏林主场对史特加，双方近期同样守强于攻，两位门将近期都弗爆多次作出神救，今晚对碰相信入波唔会多，吼有2.15倍嘅中位数2.5球细盘。
（on.cc东网周六晚9时30分直播）
哈化柏林目前位列中游冇嘢争，但早前5连败搞到高层震怒宣布下季换帅，球队随即喺近两场踢出斗志，不过前线严重哑火，近5场联赛合共只入1球，主场对包尾嘅汉诺威都只能互交白卷，好在防线走多步加上门将查斯甸屡救险球，上轮作客面对前列法兰克福都可以力保不失，今晚返主场都冇本钱抢攻，预期会继续以稳为先等机会。
史特加上轮换帅后主场爆冷以1比0击败慕逊加柏，士气大振，不过睇番过程赢得好够运，全靠门将薛拿多次神救至保不失，事实上佢哋近5场联赛加埋只入两球，作客入球能力更低，目前排尾3要护级虽然抢分心切，但都明白要追上尾4球队难度太高，兼且和波抛离榜尾两队，起码可以力保护级附加赛席位，相信都唔敢冒险，今场入波又点会多？