争踢欧洲赛同PSG对攻
周三凌晨好波连场，阿King同大家讲讲过关心水。其中法甲独脚戏蒙彼利埃将会主场挑战巴黎圣日耳门（PSG），早前已经成功联赛捧盃嘅PSG，近期防线甩漏问题十分严重，面对仲要争欧战资格嘅蒙彼利埃，两队随时上演对攻战，中位数2.5/3球入球大值得捧场。
（myTV Gold 302、Now 639、有线615及655台周三凌晨1时直播）
朴茅冲升班炸彼德堡
法甲今季冠军悬念查实早已不存在，PSG大超班再次封王，不过呢支法甲班霸之前喺重返冠军宝座嘅最后直路，遇上唔少阻滞，皆因后防频频犯错，结果先后输畀里尔同南特，计埋上场喺法足盃决赛饮恨，入得又失得嘅PSG近5仗全开4球或以上。如今联赛衞冕之路落下帷幕，今场对PSG而言成为例行公事，反观联赛排名第6嘅蒙彼利埃仲有机会争来届欧战资格，今次主场出击，肯定搏尽，睇好佢哋同PSG斗入波，捧大盘。
另外，英甲升班争夺战亦进入冲刺阶段，今轮作客斗费列活特嘅新特兰，联赛馀下两场嘅情况下，已经好难再争直接升班资格，今场让唔起主场顽强嘅费列活特，捧番让球主胜好过。尾关，主场走势强劲嘅朴茨茅夫，为争直接升班席位，今场有望乘势主场击败彼德堡，主胜值博。