另一场欧联16强首回合，英超榜首曼城作客德甲「矿工」史浩克04。曼城状态弗爆，王牌阿古路士哥停不了，更有快翼利莱辛尼倒戈母会，知己知彼，赢波机会高唱入云，不过呢场始终只係首回合，加上曼城有英联盃决赛后顾，让球半、两球略嫌多，改捧半场客胜更稳阵。
（Now 643、有线616及656台周四凌晨4时直播）
曼城今季有机会做4冠王，虽然赛程频密，不过曼城愈战愈勇，连盃赛在内，近13场赢咗12场，有12场喺上半场领先对手，入局极快，王牌阿古路近3场上阵有2次演出帽子戏法，脚风顺到不得了；曼城今场仲有利莱辛尼倒戈，呢名「矿工」青训产品对母会暸如指掌，相信可将唔少有利情报畀到领队哥迪奥拿。
史浩克遇英超兵例早失
上季德甲亚军史浩克04，今季严重失准，联赛已跌落下游位置，而且「矿工」近年喺欧联对住英超球队冇运行，近5次对赛只得2和3负，其中3次主场加埋失10球，主场出击冇甜头；但考虑到曼城今届分组赛试过失准输畀里昂，作客另一支德甲球队贺芬咸亦险胜2比1，今场让球半、两球似乎太多，而且曼城嚟紧周末会喺英联盃决赛斗车路士，争夺今季首项锦标，今场随时唔去尽；既然史浩克上述5次对英超球队全部都係上半场落后，曼城近期又旺半场领先，今场捧半场客胜最好路。