周一晚上亚洲盃分组赛激战连场，等我阿King同大家分享过关心水。其中C组中国将会硬撼吉尔吉斯，近几届亚洲盃首战都有唔错表现嘅「国足」，今次喺名帅纳比指挥下，面对第一次喺赛事亮相嘅吉尔吉斯有力大胜，让球主胜系好路。
（Now 670周一晚上7时直播）
中国近3届首战全胜
虽然意大利名帅纳比赛前已经讲到明，亚洲盃之后唔再继续执教，不过佢肯带队踢埋亚洲盃，足以证明呢位曾带领意大利世盃夺冠嘅老帅求胜心不死。而且「国足」今届表现绝对值得期待，皆因主力前锋武磊表现日渐成熟，岩岩过去一季就以27球成为中超神射手，打破近年外援垄断射手榜首位嘅格局，表现神勇。加上「国足」不嬲出战亚洲盃都可以打响头炮，过去3届首战全胜，呢场对住经验欠奉嘅吉尔吉斯，大胜冇难度，让球主胜值博。
南韩伊朗实力超班
同日仲有南韩对菲律宾，虽然头号球星孙兴民仲未归队，不过有奇诚庸同黄义助压阵嘅南韩依然超班，轻取菲律宾唔难，让球主胜捧得过。最后伊朗将会面对也门，以上年世盃大军为班底嘅伊朗绝对系今届夺标热门之一，实力麻麻嘅也门呢场难逃一劫，继续都系拣让球主胜。