英超圣诞快车周日晚较迟开波嘅，仲有修咸顿主场挑战曼城。修咸顿自德国教头夏辛侯迪上任后，走势有起色，尤其一班前锋表现生猛，相反卫冕嘅曼城防线甩漏严重，仲因此惨遭联赛2连败，呢场对「圣人」有机会同演入球骚，中位数3/3.5球入球大唔好错过。
（Now 621周日晚上10时15分直播）
「蓝月」焗攻防线欠稳
卫冕英超冠军嘅曼城，近期陷入小低潮，继2比3输畀水晶宫之后，上仗再以1比2不敌李斯特城，连续2场输波，落后榜首利物浦达7分之多，为争标已不容再失，今场肯定希望强攻对手。球队虽然火力强劲，只可惜防线欠稳，其中防守中场费兰甸奴因伤缺阵，令后防缺少保护，绝对系近2场失利嘅主要原因，呢场冇左呢位巴西仔镇守中路，「蓝月亮」随时再有闪失。
相反获德国主帅夏辛侯迪中途接手嘅「圣人」修咸顿，状态明显有改善，近3仗联赛取2胜，其中包括3比2爆冷击败阿仙奴，可见佢面对强队绝对踢法唔会龟缩，其中丹尼艾格斯近3仗上阵入3球，脚风奇顺，加上球队近6次面对Big 6球队全开3球或以上，呢场两队随时上演入球骚，中位数3/3.5球入球大系好路。