两队前锋死晒火
周日下午澳职中游大战，纽卡素喷射机将会主场迎战阿德莱德联。喷射机今季攻力明显退步，尤其早前喺主力攻击手奥当路云停赛下，其馀几位前锋都冇料到，今场面对劲敌阿联难有作为，宁愿捧中位数2.5球入球细好过。
（Now 639、有线615及655台周日下午4时30分直播）
上季成为澳职常规赛次席嘅喷射机，今季开局表现飘忽，就算主场出击都未必有把握攞足3分，佢的近4仗联赛主场取1胜1和2负，仲全开2球或以下。前线火力同上季差咁远，除左因为主力攻击手纳博特上季离队转战日职之外，射手奥当路云亦因为季初停赛长期缺阵，虽然佢已经坐完波监复出，不过咁耐冇比赛，肯定冇咁快回复最佳状态，加上其馀喷射机攻击手都唔争气，搞到喺联赛至今只收穫9个入球，系澳职攻力第2差嘅球队，呢场想入波？喷射机真系要谂谂计。
阿联门将顶得两嘴
阿德莱德联近期走势下滑，近3场联赛未赢过，其中两场都冇波入，喺前锋巴巴迪亚华拉长抖情况下，明显缺乏入波利器，好彩门将保罗艾素表现抢眼，上仗扑出对方12码，今场作客相信都会先做好防守，唔会轻易冒进，睇怕两队都好难有大手笔交易，中位数2.5球入球细要得过。