英超圣诞快车尾场，屈福特主场硬撼车路士。车仔上轮爆冷不敌李斯特城，表现令球迷大跌眼镜，呢场为重回正轨肯定会主动抢攻，加上屈福特本身火力都有番咁上下，两队随时合演入球骚，中位数2.5球入球大值博。
（Now 621周四凌晨3时30分直播）
今季执起车仔教鞭嘅意大利教头沙利，对球队踢法进行大规模改革，希望令车仔踢出赏心悦目嘅传控足球，不过任何改变都唔系一朝一夕可以达成，季前接手嘅沙利自己都戴定头盔：「改革车路士初期，球队成绩难免会受影响。」
查实季初车仔成绩绝对唔失礼，仲一度取得连胜战绩，不过想即刻重回争标行列当然不切实际，所以上仗面对中游分子李斯特城失分亦都好正常。而且沙利嘅加盟，令唔少球员受惠，其中夏萨特就系最佳例子，呢位球队王牌至今已经斩获8球，成功转型作高效射手，搭住重获新生嘅英格兰本地薑巴克里，车仔攻力有保证。
「大黄蜂」迪路菲奥当弗
「大黄蜂」屈福特近期回勇，取得联赛两连胜，包括上仗击败近期走势强劲嘅韦斯咸，其中西班牙快翼迪路菲奥近两仗都有波入，脚风几顺，帮助球队近4仗联赛3次开3球或以上。加上两队近年相遇都唔会留手，近6次联赛交手5次开3球或以上，呢场两队斗攻格，入波肯定唔少，中位数2.5球入球大冇走鸡。