今季遇Big 6未尝大败
今个圣诞英超继续陪你拆礼物，最瞩目当然系榜首利物浦主场迎战纽卡素。红军气势如虹，至今保持不败提早夺得半程冠军，不过假期快车加上嚟紧要硬撼阿仙奴同曼城，今场肯定玩留力，让两球、两球半，乐比支持下盘。
（Now 621周三晚11时直播）
上轮英超快车第一站，估唔到已爆到七彩，曼城、车路士主场同时输波，当中水晶宫作客赢曼城，更开出20倍客W，最开心莫过于利物浦，因为佢的榜首优势拉开至4分，睇嚟首夺英超冠军真系不是梦！
利物浦硬仗多势轮换
不过利物浦要创造历史必须喺圣诞过两关，佢的先要喺周六恶斗阿仙奴，然后喺下周中作客斗曼城，呢两场波可以话决定左利物浦今季命运，所以今场斗纽卡素势必轮换。
事实上，近期利记伤兵亦唔少，好似后防祖高美斯及祖尔麦迪比仍有伤，近期都要倚赖华基尔云迪积克同洛夫云合作中路，而右边阿历山大阿诺特亦未知能否复出，防线基本上都要继续地庄应战。中场除张伯伦外，拿比基达亦有微伤，相信梳顿沙基利、奥历治及史杜列治呢班后备兵都有机会担正。
虽然利物浦嘅二线梯队一向交到货，不过让到两球、两球半真系多左，留意番利物浦赢两球以上嘅赛事唔算多，今季联赛15场胜仗都系得5场赢多过两球，快车加上未必夫添情况下，要开个上盘真系唔容易。
纽卡素遇强例输一粒
纽卡素攻力平平就系人都知，但胜在防守都算有纹有路，毕竟宾尼迪斯系防守起家，又执教过咁多间大球会，对劲旅表现绝对唔失礼，纽卡素今季对Big6球队5场波，全部都系仅输一粒兼且入到波，所以玩下盘之馀，不妨留意埋小败一球嘅波胆。