终极一战破釜沉舟
欧联今、明两晚上演最后一轮分组赛，目前形势最激烈必选「死亡C组」，拿玻里、利物浦同巴黎圣日耳门（PSG）3队只能活2队，其中红军利物浦今晚喺主场迎战拿玻里许胜不许和，以红军主场气势兼有破釜沉舟决心，让一球上盘绝对值博。
（香港开电视77台、Now 643、有线662及602台周三凌晨4时直播）
目前欧联16强已定出12队，仲有4个席位要踢埋今轮先知结果，其中只有C组未有一支球队肯定攞到出线资格，依家拿玻里以9分排榜首，今场只要唔输便可打入16强，不过红军出线命运仍然掌握喺自己手中，事关佢的只要赢1比0、或者淨胜2球或以上，就唔使理会其他战果肯定出线，目标鲜明，唔使谂咁多一定搏尽。
相信唔少球迷睇到呢个形势都会谂起2004/05年球季，当年红军喺最后一轮分组赛主场对奥林比亚高斯，又系必须淨胜对手2球才可晋级，结果佢的喺半场落后0比1嘅劣势下，凭下半场连轰3球反胜3比1出线，最后仲喺决赛赢埋AC米兰捧盃，写下经典一页。虽然依家球队上下都已人面全非，不过嗰份主场气势及不屈不挠嘅精神，经过咁多年后有增无减，从今届首场分组赛主场对PSG，由领先2球到完场前被追和，再喺补时入波绝杀对手，充分反映去到生死关头，红军争取赢波嘅决心系几咁强大。
拿玻里征英伦例瓜
红军上场联赛大胜般尼茅夫4比0，除力压同日输波嘅曼城上英超榜首，红军粉丝最开心系见到连中三元嘅穆罕默德沙拿状态回勇，加上有艾利臣比加把守最后一关，红军嘅攻守表现已达欧洲顶级水平。拿玻里对上3次欧联作客英超球队全败，加上今夏季前热身赛作客晏菲路又淨吞5蛋，今次重临凶地睇怕凶多吉少，红军主场让一球，上盘值得支持。