澳職:兩軍防線同樣唔掂 墨城悉尼大亂鬥
时间：2023-11-04 11:09 来源：足球图库
澳職周五獨腳戲，墨爾本城主場迎戰FC悉尼，兩隊開季同樣2連敗，墨城跌落榜尾，FC悉尼排尾二，表現令人大跌眼鏡，頭兩輪所見，兩隊防守疲弱等同不設防，今場交手肯定多波入，加上墨城近5次主場鬥FC悉尼，4次開出4球或以上，3.5球入球大咪錯過。
（myTV Super周五下午4時45分直播）
墨爾本城係上季常規賽冠軍，季後賽決賽1比6大敗於中岸水手得亞軍，佢哋今季繼續擴軍，借用巴甲翼鋒里奧拿迪爾及及引入烏甸尼斯中場托爾基阿斯蘭，但效果令人失望，聯賽開季兩連敗敬陪末席，包括上仗作客阿德萊德聯狂吞6蛋，射手占美麥卡倫射失12碼之餘，防線接近崩潰，後防表現勢成焦點。
客軍主力離隊跌晒Watt
FC悉尼曾經係澳職班霸，但近年成績下滑，上季常規賽僅排第5，今季多位球員如方祖及卡巴路等離隊，新中鋒法比奧高美斯表現平平，導致成績大倒退，首兩仗對墨爾本勝利及布里斯班獅吼，分別輸0比2同0比3，防守表現難以信賴，依家排聯賽榜尾二，好在今仗對手墨爾本城狀態亦差，FC悉尼勢必力爭勝仗。雙方心態上都想搵對方墊底，隨時係一場大廝殺，相信入球唔會少，3.5球大揀得過。
