些路迪抢缰轰炸登地联
2020/08/22文:法达斯维

今晚苏超压轴尾场，登地联主场迎战班霸些路迪。些路迪今季火力强劲，射手奥辛尼艾度亚迪脚风奇顺，上场联赛意外失分，今仗必定想先发制人，加上近年交手例玩闪击战，半场客胜有买趁早。

（myTV Gold 302、Now 639、有线655及615台周日凌晨零时30分直播）

上轮失分必丧攻挽面子
些路迪向来喺苏超打横行，自2012年起联赛9连霸，有办你睇，今季开咧战即大炒咸美顿5比1，但之后竟只能打和基尔马诺克1比1，冇晒飞士。适逢中场保连高尼麦邦保因违反防疫条例，搞到之前两场联赛被迫延期，反而令佢哋抖到够，喺刚周中欧联外围赛「复出」豪赠雷克雅维克6蛋，非常饿波。

些路迪擅打主攻，一度有盛传获阿仙奴垂青嘅射手奥辛尼艾度亚迪，呢3场波共入4粒，而拍档穆罕默艾尔尤诺斯于欧联外亦省两粒，难怪3仗共轰12球，火力全开。

今季升班嘅登地联，虽然头4轮联赛取得2胜1和1负，表现不俗，但对亲些路迪都冇运行。两军近7次交锋，些路迪唔单止赢晒，其中6次喺上半场已取得领先优势，非常抢缰，面对些路迪嘅闪击战，预计登地联半场都顶唔住，半场客胜值得捧场。