稳入季后赛光辉收缰 西部联抢位博大雾
2020/08/12文:法达斯维

光辉后衞 法兰积

今午澳职头场，「5哥」珀斯光辉于中立场火併「7哥」西部联。今仗係光辉常规赛煞科战，佢哋已稳入季前赛，斗心成疑，西部联只要呢一场赢波，就肯定取得季后赛入场券，一定搏埋佢，况且迪亚文迪、贝利沙等老将弗到漏油，势必火力全开，2.5球嘅入球大最稳阵。（myTV Gold 302、Now 639、有线655及615台周三下午3时35分直播）

先讲争入前6抢季后赛入场券形势，随住6哥阿德莱德联寻日只能逼和墨尔本城2比2，光辉已领先打晒26场常规赛嘅阿联1分，肯定取得季后赛资格。而且光辉状态欠佳，复赛后5仗只得2胜3负，竟然失咗12粒，包括上仗惨吞尾2嘅墨尔本胜利4蛋，真係惨不忍睹。

贝基斯贝利沙状态勇
另一边厢，西部联依家落后光辉、阿联4分及3分，但连埋今仗在内，佢哋仲有3场常规赛未踢，只要其中1场赢波，就可以赶过阿联跻身季后赛，为免夜长梦多，梗係今仗抢3分尽早锁定前6。呢支澳职新军近况唔错，复赛后3仗赢2场，连埋停摆前在内，近5仗联赛获4胜1负，佢哋向来攻强守弱，呢5仗狂轰18粒，但场场有失波，其中4仗开3球或以上，包括上仗勇挫西悉尼流浪者5比3，迪亚文迪省两粒，而麦斯贝基斯喺呢5仗入6粒，贝利沙亦有5球进帐，为争季后赛入场券今仗必豁出去进攻，实多波入，一于捧2.5球嘅大盘。