些路迪大盘嗒得诺
2020/08/09文:法达斯维

些路迪射手 奥辛尼艾度亚迪（Getty Images图片）

奥辛尼艾度亚迪挞着
今晚苏超直播戏码，班霸些路迪作客基尔马诺克。「绿白兵团」开咧战即大开杀戒，前锋奥辛尼艾度亚迪更加着晒火，撞正「私房菜」基尔马诺克要赢唔难，但客W冇肉食，转捧2.5球嘅大盘好过。

（myTV Gold 302、Now 639、有线655及615台周日晚11时30分直播）

基尔马诺克未改脱脚陋习
基尔马诺克首轮1比2不敌喜伯年，球员明显未操起。事实上基尔马诺克近几季都开季即脱脚，慢热毛病不改，未计今仗，佢哋近8季联赛头两轮15场波，只得2胜3和10负，见到都唔开胃，今晚纵有地利相信亦难逃厄运。

联赛9连霸嘅些路迪，上季因疫情导致联赛腰斩，增加咗佢哋嘅争胜欲望，首轮即狂数咸美顿5比1，奥辛尼艾度亚迪大演帽子戏法劲抢镜，查实呢位法国前锋喺上季各项赛事入咗28粒，有传畀阿仙奴睇中，证明真材实料。

今晚两军状态一高一低，「绿白兵团」赢波係基本要求，不过客Ｗ得1.11倍冇肉食，让球主客和要让两球，即係赢3粒先收钱，较为冒险。睇番两军近3次交手，些路迪赢晒之馀，全开3球或以上，2.5球入球大係更好选择。

格流身心俱疲半场和味浓
另一班霸格拉斯哥流浪早啲登场，主场迎战圣美伦。「格流」上周中刚喺欧霸畀利华古逊淘汰出局，匆匆再战身心俱疲；圣美伦实力稍逊，但开锣战靠后衞李察泰特入波，一球小胜利云斯顿，队波士气唔曳，加上签入罗斯郡队长中坚马古斯费沙，防线更值信赖，半场可望顶到唔输，半和有计。