巴沙克舒希平均29.9岁
2020/08/05

土耳其新贵巴沙克舒希（图），今季成功打破加拉塔沙雷、费伦巴治同比锡达斯3大传统豪门嘅垄断局面，首次称王土超，阵中有唔少前英超勐将，包括罗宾奴、丹巴巴亚、基捷基治同史卡迪尔等，正因为有一班大牌老将在阵，巴沙克舒希阵容平均年龄亦被拉高至29.9岁。佢哋今晚喺欧霸16强次回合斗哥本哈根，食粥食饭要睇灵魂人物华斯卡表现，呢位波斯尼亚好波之人，今季欧霸轰入6球，包括首回合射入12码帮球队领先1比0，一于睇吓佢今场会唔会再做英雄啦！