富咸铁桶阵细守卡城
2020/07/27

卡城铁汉桑摩利臣
（Getty Images）

1/2
对手勇锐唔敢硬碰硬
今晚英冠升班附加赛4强首回合，卡迪夫城先于主场斗富咸。卡迪夫城联赛最后3场3连胜，惊险取得附加赛资格，近况相当勇锐，富咸作客唔会咁蠢同佢哋硬撼，极有可能守住战局等次回合先发力，呢支伦敦球队联赛作客踢法稳阵，近11场9次开2球或以下，捧2.5球入球细。（周二凌晨2时45分开赛，马会网上文字直播）

卡迪夫城同富咸上季齐齐喺英超打拚，护级失败降落嚟英冠，话咁快两队又有机会上番英超。要提醒大家嘅係，如果斋睇近况，可能会出现盲点，因为卡迪夫城3连胜，而富咸近3战只得1胜2和，但要留意嘅係，卡迪夫城係攞足呢9分，先至喺最后一场仅仅攞到附加赛资格，相反富咸早早攞够分，虽然直接升班唔得，但喺附加赛资格稳阵情况下，最尾几场联赛选择留力，等附加赛再砌过。

留番次回合发威
睇番积分，其实富咸都有81分，比「卡城」多8分，而且今季两循环交手，富咸获1胜1和保持不败。当然「卡城」状态咁勇，富咸唔会同佢硬碰硬，作客只求稳稳阵阵，甚至和波都冇坏。富咸近11场联赛作客有9场开细，当中5场保持不失，等閒球队要入佢哋波有难度，相信富咸今场会继续摆铁桶阵应付卡迪夫城，等周四次回合先发威，今场捧2.5球入球细係最佳选择。