C朗开火捉乌甸落镬 祖记大盘咪错过

2020/07/23文:渡边年

祖记天王 Ｃ朗

1/2
衞冕意甲嘅祖云达斯，今轮作客乌甸尼斯为提早夺冠铺路！祖云达斯之前接连失分，幸上场击败拉素增添士气，王牌C朗更梅开二度，神射手榜追平拉素前锋恩莫比尼，C朗为公为私今场必定出尽全力争取士哥，作客「私房菜」乌甸尼斯，当然可望轻鬆大胜，加上祖云达斯近7战全开3球或以上，2.5球入球大万勿错过。（myTV Gold 301、Now 638、有线654、614、662及602台周五凌晨1时30分直播）

祖云达斯阵中有不少老将，经过复赛后连番激战，体力上嘅消耗相当大，「斑马兵团」之前喺联赛接连失分，包括先以2比4不敌AC米兰，其后对阿特兰大及萨斯索罗，分别以2比2及3比3和波，3场比赛共失7分，好彩祖云达斯嘅榜首位置依然稳固，因为佢哋喺周一深夜对拉素，凭球队灵魂C朗梅开二度，以2比1赢波，至今将榜首领先优势拉开至少6分差距。

好胜嘅C朗，停摆前曾经陷入球荒，但随住联赛重开，呢名葡萄牙射手脚风转顺，累积射入30球，依家喺射手榜追到同恩莫比尼并列榜首，剩番4轮联赛，惯性搏到尽嘅C朗相信都唔会留力，尽量争取士哥，希望独揽意甲金靴。

近6对赛乌甸全败
好消息係祖云达斯今场作客嘅对手，正係佢哋嘅「私房菜」乌甸尼斯；睇番对赛往绩，原来祖记近6次对乌甸录得全胜，而且近3次交锋全部开总入球4球或以上。何况祖云达斯近7场联赛，总入球全开3球或以上，有抢住入波嘅C朗在阵，今场必定係入球骚，中位数2.5球大盘有买趁早。