曼城够卡士爆厂

2020/07/18文:渡边年

曼城射手 马列斯（Getty Images图片）

1/2
4强开火向3冠迈进
英格兰足总盃4强展开，阿仙奴同曼城今晚喺温布莱球场率先拉开战幔。曼城往绩佔优，「兵工厂」近7次对赛全败之馀，只曾入过2球，反观曼城每场均赢2球或以上，级数明显有别。「蓝月亮」力争做盃赛3冠王唔会手软，让球盘曼城让1/1.5球，照捧上盘！

（无綫85台周日凌晨2时45分直播）

曼城及阿仙奴周中联赛同以2比1击败般尼茅夫及利物浦，「蓝月亮」藉大衞施华爆发，一传一射技术性击倒对手；「兵工厂」砌低联赛冠军利物浦睇落好劲，其实要多得「红军」后防连番犯错，阿仙奴全场仅得3脚射门，捱打下赢波带幸运成分。

阿仙奴防线靠唔住
阿仙奴今季最为人诟病嘅，係后防经常出丑，不论梅斯达菲、大衞雷斯或哥拉辛拿斯，都未能予人信心。佢哋复赛首战就惨吞曼城3蛋，当日后备入替嘅大衞雷斯先喺上半场截波失误畀史达宁建功，再喺下半场初段侵犯马列斯，领红出场兼输12码，连同呢场败仗，阿仙奴近7次对曼城输晒，仲要全部输2球或以上，话就话同属英超Big 6，但近年差距已愈来愈大。

遇师傅阿迪达交学费
曼城欧洲禁赛令上诉成功，全队都鬆口气，可专注番未来赛事，何况「蓝月亮」係上届英足盃盟主，今届肩负衞冕重任，球队早已赢得英联盃，正向英足盃同欧联进发，力求成为「盃赛3冠王」，而且论执教功力，哥迪奥拿正正係阿迪达师傅，哥帅深明「放虎归山」道理，就算领先都唔会勒住踢，宁愿攞多几个「燕梳球」，上盘值得捧场。