李城欠锐半场咬唔入锡菲联

2020/07/16文:笛子波童

李斯特城射手 占美华迪

1/2
今晚英超头场有联赛榜4哥李斯特城主场斗锡菲联。李城复赛后状态大跌，由原本稳佔前3名，嚟到呢刻有机会跌出前4，锐气已过料会踢得更小心，而且佢哋今场仲有正选中坚苏恩古坐波监，对住一向硬淨嘅锡菲联唔会轻出，推介半场和。

（Now 621周五凌晨1时直播）

苏恩古停赛踢得更谨慎
李斯特城自英超重赛后状态一直低迷，上场作客护级球队般尼茅夫仲喺半场领先1粒之下，换边后连失4球大败而回，士气受到沉重打击，依家佢哋只凭较佳得失球差力压同分嘅曼联，除今场之外，李城馀下2轮仲要硬撼热刺及曼联，绝对唔易应付。正选中坚苏恩古上场输波兼输品，搞到踢人领红牌，今场坐波监唔出得，相信一众球员会更加谨慎，唔敢压上抢攻。

锡菲联近4场联赛赢3场，数字上仲有机会争前4，不过佢哋赢波全部係主场，单计作客复赛后4场未赢过，而且加埋仅入1球，睇番佢哋近4场联赛作客上半场都未入过波，加上李斯特城近7场主场有6次开半场和，今场再追半场和啱数。