哀兵曼城细盘打卡

2020/06/28文:法达斯维

（Getty Images图片）

今晚英足盃尾场纽卡素主场硬撼衞冕曼城。曼城上周中输波失落联赛锦标，球员身心俱疲，加上近年造访「喜鹊」入波唔多，3.5球细盘值捧场。（周一凌晨1时30分开赛）

曼城上周中联赛作客不敌车仔，衞冕失败，讲真失冠係意料中事，依家惟有集中火力争英足盃及欧联。不过王牌射手阿古路至少要抖到8月，冇咗呢位入球机器，对「蓝月亮」进攻影响唔细。主帅哥迪奥拿强调全民皆攻，不过加比尔捷西斯（右图）今季状态一般，就算用埋史达宁客串影子前锋，效果都係麻麻。

纽卡素防守硬淨
另一边厢，受沙特阿拉伯王储快将入主嘅消息刺激，纽卡素复赛首仗大胜锡菲联3比0，上周中则畀阿士东维拉逼和1比1。「喜鹊」近6仗有5次总入球开3球或以下，当中合共只失4粒，防守硬淨。况且佢哋近年主场对曼城表现唔失礼，近6对碰只输过两场，其中5次开3球或以下，一场过淘汰赛两队随时踢得更保守，3.5球细盘趁早买。