维罗纳大骚益里

2020/06/23文:工厂仔

维罗纳箭头迪卡米尼（Getty Images图片）

1/2
主场够恶唔赦强敌
意甲今晚有场前列大战，维罗纳主场迎战意大利盃盟主拿玻里。新升班嘅维罗纳无疑係今季神奇球队，依家排第7只落后拿玻里1分，仲有机会争夺来季欧洲赛资格，佢哋主场火力向来强劲，而且争胜意欲极高，为3分必定照抢，捧中位数2.5球大盘有着数。

（Now 638、有线654、614台及myTV Super301周三凌晨1时30分直播）

维罗纳上季靠升班附加赛先上到意甲，估唔到喺主帅祖历执教下，今季有神奇演出，佢哋复赛首仗延续上半季良好表现，主场2比1杀退卡利亚里。虽然前锋波连尼上场食红牌要停赛，不过另一射手迪卡米尼连入两粒，打破超过半年嘅入球荒，信心返晒嚟。

拿玻里前锋高质
维罗纳今季主场够恶，近4场联赛主场全胜，而且连续5场联赛主场至少入2球，近6场联赛主场总入球均达3球或以上，主攻踢法帮球队搵到食，今场当然唔会轻易改变。

拿玻里早前勇夺意大利盃冠军后，已经锁定来季欧霸盃资格，但佢哋更想争入前4踢欧联，冇理由咁早放弃，何况球队有梅顿斯、米利克同恩斯治尼等高质前锋，近3场联赛作客全胜，今场好大机会演入球大战。