默郡打吡细在必行

2020/06/21文:法达斯维

爱华顿前锋李察利臣

1/3
利物浦冲冠先求稳
今日父亲节最佳节目，梗係睇周一凌晨上演嘅英超默西赛德郡打吡，利物浦作客死敌爱华顿。红军只要赢多两场，即首夺英超冠军，自1989-90年度球季后再次称霸英格兰顶级联赛，一众由细到大都捧红军、依家做晒爸爸嘅利迷，绝对係期待已久嘅时刻！不过联赛停摆3个多月，状态难料，客场出击一定稳中求胜，加上近年造访「拖肥糖」旺少交收，捧2.5球嘅入球细最划算。（Now 621及611周一凌晨2时直播）

利物浦领先次席嘅曼城22分，首夺英超冠军只係时间问题，但经过3个多月停摆，众将状态有待提升，今仗未必可即时挞着大胜。同时，射手穆罕默德沙拿亦有伤在身，之前更缺席操练，今仗上阵成疑，攻力难免削弱。虽然红军今季坚劲，不过主客演出有别，喺停摆前5场联赛作客获4胜1负，兼且只入6粒，其中3场险胜1粒，与喺晏菲路球场火力全开相比，睇得出领队高普每逢客场偏向用保守战术。

爱华顿伤兵成箩
另一边厢，爱华顿伤兵满营，安祖高美斯、戴尔夫、桑基巴文、耶利文拿及禾确特均要养伤，不过主帅安察洛堤贵为一代名帅，过往面对高普领军嘅球队并唔失礼，两人近7次正面交锋，各得3胜1和3负，包括近两届欧联分组赛率领拿玻里4斗红军，录得2胜1和1负，「肥安」嘅战术强调屯重兵喺后场，一旦抢截成功即打反击，令高普不得不防。

事实上，利物浦只要赢多两场，又或者今仗赢波，咁啱曼城喺周一对般尼输波的话，就可首次于英超封王，睇番佢哋今季14场联赛作客只失9粒，要稳中求胜唔难。加上红军近5次联赛造访「拖肥糖」，合共只製造3粒咁大把，全开2球或以下，斗稳格局，2.5球嘅细盘有分头，不容错过。