比勒费尔德冲冠上盘走唔甩

2020/06/15文:ComboKing
随住各大联赛陆续重开，嚟紧又回复日日有波玩嘅日子，阿King今晚亦心水满泻，其中德乙独脚戏，1哥比勒费尔德主场对特雷斯登值得留意。比勒急于封王兼锁定「直升」资格，遇上包尾大幡嘅特雷斯登，誓要大胜吐乌气，让一球照捧上盘。（myTV SUPER周二凌晨2时30分直播）

查实比勒状态麻麻，联赛重开后5仗只得1胜4和，幸好升班劲敌汉堡同史特加唔争气，未计周日赛果，佢哋仍领先次席汉堡5分，如果今仗赢波，嚟紧周中再赢埋达斯泰特，就好大机会夺冠，并且取得直接升班资格，梗係唔会留手喇。另边厢，特雷斯堡因有球员确诊新冠肺炎，要延至上月尾先比赛，为追进度两周内连踢5场，真係攰到爆，造访矢志赢波嘅比勒，大败唔奇。

瑞典超方面，希尔星堡主场对升班球队华堡，希堡18岁中场新星基哥域极具潜力，有传连阿仙奴及曼城都对佢有兴趣，仲有曾喺英超搵食嘅马田奥臣加盟，点秤都赢实力平平嘅华堡，主胜好路。（周二凌晨1时开赛、马会网上文字直播）最后係西乙，特内里费主场对马拉加，两军都攻力麻麻，近6次碰头有5次开2球或以下，捧2.5球嘅细盘最稳阵。（周二凌晨3时30分开赛）