拿玻里半和鍊国米

2020/06/13文:Mic少

国际米兰前锋卢卡古

1/2
意大利盃4强今晚上演另一场次回合大战，首回合领先1比0嘅拿玻里主场斗国际米兰。拿玻里踢意盃战术非常谨慎，今届3战全部保持不失，今场仲揸住1球优势和都搞掂，唔使同国米急，双方近6次交手4次半场不分胜负，今场可以吼实半场和。

（周日凌晨3时开赛）

领先1球唔使急攻
拿玻里自教练加度素接过帅印后，喺盃赛成绩不俗，欧联16强首回合同巴塞踢成1比1，意盃亦杀入4强，据闻球会即将同佢续约至2022年。球员时代司职防守中场嘅加度素，重视机动性及纪律性，拿玻里踢法亦转趋硬朗，呢位球坛名宿接手拿玻里后，联赛及盃赛对国际米兰各赢1场，不分高下，既然球队于首回合领先1球，今场亦唔急于进攻，可以睇定嚟踢。

国际米兰教练干地喺停摆期间，特别为由热刺加盟嘅基斯甸艾历臣调整战术，将呢位丹麦国脚放喺传统「10号位」，不过由于未有正式比赛，一班球员都要习惯新阵式，预计上半场双方都要作出一定适应同试探，战情容易胶着。事实上，两军实力旗鼓相当，强强对碰唔会贸然出手，双方近6次对赛有4次开半和，不妨追多一次。