汉堡大盘勿失良基

2020/06/08文:法达斯维

汉堡守衞利保特

1/3
力争升班主场必抢
今晚德乙独脚戏，「3哥」汉堡主场迎战基尔。汉堡向来重攻轻守，加上佢哋专靠主场搵食，为争逐升班资格，一定藉地利抢攻，遇上同样有前冇后嘅基尔，随时大驳火，2.5球入球大咪错过。（myTV SUPER周二凌晨2时30分直播）

汉堡之前接连出战升班劲敌比勒费尔德及史特加，最终只得1和1负，未计周日赛果，佢哋仍落后次席史特加2分，而且后面嘅海登咸亦来势汹汹，无论係争头两名嘅「直升」资格，定係保住前3嘅升班附加赛席位，汉堡都需要积极抢分。

两队都重攻轻守
汉堡今季擅于主场搵食，14场主场联赛取得10胜2和2负，成绩仅次于史特加。可惜佢哋攻强守弱，今季联赛虽劲入55粒，係德乙火力最强一队，但防守就认真麻麻，至今失咗35球，上仗对住弱旅韦恩都两度失守，只係险胜3比2，攞到联赛重开后首场胜仗，重攻轻守特性非常明显。

作客嘅基尔都係以踢法进取见称，自联赛重开后，4战共入7粒，但场场都有失波，全开3球或以上，包括曾以3比2击败史特加，以及上仗对住榜首比勒费尔德仅输1比2，睇得出佢哋冇乜压力下，遇强都唔会缩。基尔今仗有防中米菲特续坐波监，分分钟索性以攻代守，今仗大有机会出现斗攻格局，捧2.5球嘅大盘最上算。