哈化主场曳让唔起细佬
2020/05/22文:Mic少

哈化柏林前锋卢克巴基奥

1/2
「柏林打吡」势均力敌
今轮德甲由「柏林打吡」打头阵，哈化柏林主场迎战柏林联，论名气哈化佔优，但佢哋以往面对「细佬」柏林联佔唔到优势，双方近5次交锋，哈化只获1胜2和2负，今场让波制唔过，宁博柏林联让球客胜。（Now 671、FOX+、有线652及612台周六凌晨2时30分直播）

虽然哈化柏林喺上场德甲重开后，作客以3比0大胜贺芬咸，但要留意佢哋「反传统」，今季主场成绩远不及作客，喺主场仅获得12分，反而作客取得19分。再睇埋哈化柏林近6场联赛主场都未赢过，只录得3和3负，其中4场更加未能取得入球，今场可以话係「主场不利」，仲要让球，未免太被高估。

柏林联近2次作客交手1胜1和
哈化柏林今季已经三度换帅，上月先至由拉巴迪亚接手领军，前锋沙洛文卡劳早前因为喺社交网直播藐视防疫工作，因而受到处罚，可见成班波内部溷乱，难免影响士气。

另一边厢，柏林联上场0比2不敌劲旅拜仁慕尼黑，只因对手实力超班，实属非战之罪。佢哋嗰场表现唔算差，因被判罚12码失守，先令形势急转直下。其实柏林联面对实力接近嘅球队，抢分机率几高，近3场联赛作客就赢过云达不来梅及法兰克福。加上同市球队交锋，双方为面子都会特别落力，战况往往会拉成均势，捧受让一方比较着数。既然柏林联近2次作客哈化柏林获得1胜1和，相信今场都有力再次全身而退，让球客胜值博。