柏达邦半场落后必「全输」‧

2020/05/15

柏达邦（蓝衫）人脚唔够，踢到下半场就散晒。

德甲明晚正式重开，连续3日共9场比赛全部有直播，最啱大家一边睇波一边玩「即场投注」，今日就同大家讲吓点样可以玩得最精明。先讲包尾球队柏达邦，呢支升班球队目前以25战得16分排包尾，距离真正护级安全线、尾4嘅缅恩斯10分，护级成功机会非常淼茫，嚟紧随时成为列强抢分对象。柏达邦听晚将会作客斗杜塞尔多夫，柏达邦今季唔识踢逆境波，25场联赛入面有13次半场落后，最终全部输晒，相反杜塞尔多夫今季联赛5次赢波有4次都能领先上半场，由头赢到尾，如果呢场波去到上半场中段仲未开纪录，大家不妨留意杜塞尔多夫嘅下一队入球。