奥当路云回巢即翻生
今日下昼继续有澳职玩，其中尾场由阿德莱德联主场硬撼纽卡素喷射机。阿联联赛3连败之馀，疯狂失波犹如不设防，喷射机有神箭奥当路云回巢后立即反弹，可趁机打落水狗，仲有得受让必捧让球客胜。（myTV Gold 302、Now 639、有线655及615台周日下午3时20分直播）

虽然阿联排名较尾2嘅喷射机高，可惜佢哋状态陷于低迷，连续3场联赛输晒不特止，仲狂失12粒，包括对住攻力一般嘅西悉尼流浪者及西部联，竟然各失5粒，呢条纸扎防线真係一笃定散，咁样输法亦严重打击士气。喷射机开咧后一直表现不济，之前仲试过8场联赛输7仗，同包尾嘅中岸水手一担担。好彩佢哋早前获得奥当路云回巢，呢位转投布里斯班狮吼后冇料到嘅射手，重返喷射机立即有货交，之前4场联赛披甲，带领球队取得2胜2和走出谷底，佢自己更喺近3场轰入2粒兼交出1次助攻，成为锋线核心人物，有呢位神箭担大旗，实在唔赦沉到爆嘅阿联，仲有得受让咁笋，让球客胜咪走宝。

凤凰弗爆继续胜利
至于头场威灵顿凤凰主场迎战墨尔本胜利，凤凰可谓近况最好嘅澳职球队之一，近5仗联赛豪取4胜1负，而且佢哋主场向来特醒，开咧后10次喺自己地头出击，获7胜1和2负佳绩，单计近5仗主场更加係赢晒，唔讲得笑，难怪位居联赛「3哥」。相反，胜利战绩下滑，近5仗联赛只得1胜2和2负，包括上轮对FC悉尼被炒四个一皮，仲有左闸贺兰做埋「红牌阿姑」，今仗要坐波监，造访主场势盛嘅凤凰，凶多吉少，凤凰少让平半，上盘有买趁早。（myTV Gold 302、Now 639、有线655及615台周日下午1时20分直播）