欢迎来到足球图库!
当前位置:主页 > 东方日报 >
AC米兰上盘冇甩拖
时间:2020-02-17 08:36   来源:足球图库
伊巴带动全面翻生
今晚意甲独脚戏,AC米兰主场迎战拖连奴。「红黑兵团」自「瑞典神箭」伊巴谦莫域加盟后明显翻生,撞正联赛4连败嘅拖连奴,必趁机打落水狗,让一球照捧上盘。(myTV Gold 301、Now 638、有线654及614台周二凌晨3时45分直播)

AC于冬季转会窗免费签入伊巴谦莫域,更不惜放走年轻前锋比亚迪克,一度惹嚟质疑。不过「瑞典神箭」用行动证明自己,自佢加盟后,「红黑兵团」各项赛事录得4胜4和仅1败,呢位38岁老将亦有3粒进帐,包括上轮联赛嘅米兰打吡,交出入波兼助攻,仲有一球顶中柱,最终虽反输2比4,但伊巴交足货,而且AC围绕佢进攻,唔似得上半季冇晒重心,并打番起列比锡、查汉奴古等中前场球员,其中上半季踢到冇影嘅列比锡,近6仗入5粒兼交出1次助攻,呢点正係伊巴独有嘅影响力。

拖连奴4连败有排衰
另一边厢,拖连奴踏入2020年后愈打愈差,近4场联赛输晒,今仗仲有主力后衞阿曼度艾素坐波监,防守进一步削弱,加上射手比洛迪近5仗联赛都食白果,实在冇本钱爆冷,让球盘AC让到一球咁辣,亦反映出对其信心十足,呢个上盘不容错过。
上一篇:般尼回勇唔怕圣人     下一篇:马体会唔赦红军