今晚盃赛做主打，其中直播戏码法足盃16强尼斯主场对里昂最有心水。尼斯走势不俗，但里昂在王牌迪比重创收咧后，攻力不跌反升，箭头穆沙迪比利脚风奇顺，今仗随时再演入球骚，2.5球嘅大盘更值博。（myTV Gold 301、Now 638、有线654及614台周五凌晨3时55分直播）

由阿仙奴名宿韦拉执教嘅尼斯，上季只喺中游浮沉，今季季初亦甩辘，好彩于上年年尾终于回稳，各项赛事近7仗取得4胜3和未输过，其中近5仗主场豪取4胜1和，不容小觑。另一边厢，里昂王牌迪比于歇冬前重伤，提早收咧之馀，连今夏欧国盃都唔使预佢，以为佢哋会攻力大跌Watt之际，好彩以穆沙迪比利为首嘅锋线坚争气，歇冬后6仗喺法定时间豪取5胜1和，更狂轰21粒，全开3球或以上，可谓有前冇后、打死罢就，中场卢卡斯杜沙特日前宣布转投哈化柏林，但下半季会借番畀里昂，有稳定军心作用，两队都咁弗，宁愿转捧入球大。

巴塞又要捱细界
至于西盃16强巴塞隆拿主场对雷加利斯，巴塞在新帅史坦恩接手后重拾传控打法，控球率大幅回升，不过入球效率麻麻，佢上任后3仗入3球，日前联赛围住华伦西亚嚟搓都输0比2，可见苏亚雷斯因伤长抖后，搵基沙文客串中锋效果一般，雷加利斯作客必定玩死守，细盘仲好路。

最后係巴省联邦迪比达主场对哥连泰斯，邦军虽然头两仗获1胜1负，但对手只属省联赛球队，哥连泰斯贵为巴甲豪门，可恃质取胜。