今晚英足盃第4圈尾场，英超「1哥」利物浦作客甲组仔梳士贝利。「红军」实力虽然高一截，但依家多线作战，相信主帅高普会继续大轮换，好似上圈咁派出南野拓实同奥历治等副选应战，默契点都争啲；梳士贝利有自知之明，遇强一定摆铁桶阵，中位数2.5球细盘有分头值博。（周一凌晨1时开赛）

南野拓实仲未融入
利物浦喺英超抛甩成条街，不过佢哋赛程坚频密，主帅高普难免要作出取捨，因此出战英足盃多用奥历治、居迪斯锺斯及新兵南野拓实等副选披甲，好似上圈小胜同市死敌爱华顿1比0咁，战斗力点都差啲。虽然「红军」球迷希望南野拓实可成为「埃及文明」嘅合格替补，但适应英伦高强度赛事仲要啲时间，上周中快车赢狼队之役所见，南野后备入替伤出嘅沙迪奥文尼，勤力有馀但贡献不足，喺进攻体系上有啲格格不入。

梳士贝利依家位处英甲中下游，实力有限，今场必摆下铁桶阵。翻查纪录，梳士贝利近9次足总盃主场出击，法定时间取得4胜5和未输过，其中有8次开2球或以下，「红军」求大炒晋级恐有难度，捧2.5球嘅入球细最上算。