今晚西甲华伦西亚主场硬撼巴塞隆拿。巴塞自新帅史坦恩执教后，重拾昔日控球至上嘅踢法，但控球率高唔代表多波入，想撕破华伦防线就更唔容易，战况随时陷入胶着，中位数2.5球入球细係不二之选。（Now 611及632周六晚11时直播）

巴塞球员未摸熟史帅新战术
巴塞搵嚟史坦恩执教，全因睇中佢崇尚控球在脚嘅踢法。巴塞喺佢带领下，上场联赛对CF格兰纳达做出1,005次传球，控球率超过8成，远超前主帅华尔维迪执教期间平均嘅6成几。不过话就话控制局面，但巴塞要去到CF格兰纳达下半场踢少1人下，先凭美斯射入奠胜球，可见佢哋仲要时间适应番史坦恩嘅新战术，今场面对更加硬淨嘅华伦，想入波真係要睇史帅功力。

华伦近6次喺米斯泰拿球场对巴塞都不落下风，仅输过2场，其中5次开2球或以下，表现硬淨，加上队长柏利祖上仗攞红牌被逐今场坐波监，相信会缩落嚟踢，巴塞破铁桶阵有难度，中位数2.5球嘅入球细好路。