年廿八遇般尼
今日係年廿八，英超快车一样继续，睇中曼联主场迎战般尼。虽然曼联啱啱喺「双红会」输波，但查实表现唔曳，而且近期遇弱复用桑马达立竿见影，终于唔使再做「罗宾汉」，撞正遇强例脚软嘅般尼，红魔必定想大胜一场洗走猪年污气，让到1/1.5球照拣上盘。

（Now 621周四凌晨4时15分直播）

曼联于日前「双红会」淨吞利物浦两蛋，两军实力明显有距离，不过学主帅苏斯克查话斋，就算输波都有得着，的确喺场波最后30分钟，红魔展开强大嘅逼抢，逼到利物浦有气冇碇抖，最终因一次反击输到0比2，但可以用虽败犹荣来形容，因此落败都冇输斗心。

重用桑马达即时有料到
何况曼联早前暴露出不擅破铁桶阵嘅弱点，「苏B」随即对症下药，近期多用组织力强嘅桑马达，呢名西班牙老将既灵巧亦可送出致命传送，令进攻更立体。曼联喺之前2次主场出击均顺利取胜，分别以1比0击败狼队、以及4比0大炒诺域治，桑马达就交出1个入波及2次助攻，如今前锋拉舒福特因伤有排抖，相信桑马达会获得更多担正机会，支援安东尼马迪尔，令人期待。

般尼目前仍喺榜下游徘徊，今季联赛已失掉38球，无复以往固若金汤嘅防守，而且佢哋遇强即屈，近6次对传统Big6球队，全部都至少输2球，包括上月主场迎战曼联淨输0比2，今仗作客更加凶多吉少，让球盘曼联要让1/1.5球都冇有怕，博佢哋大胜反弹。