赛事频密最紧要识留放
英超圣诞快车全面开动，首站即有劲爆戏码，今晚尾场压轴战曼城主场斗李斯特城。「狐狸」李城今季防守力惊人，係现时英超失波最少队伍，曼城对住铜牆铁壁要入波唔係咁易，两军近年碰头少有大手交易，加上快车赛期要懂得留放，捧3.5球入球细啱数。

（Now 621及611周日凌晨1时30分直播）

曼城今季受严重伤兵困扰，先有中后场球员轮流受伤，11月下旬再有王牌前锋阿古路变成「十字兵」，即使主帅哥迪奥拿功力如何深厚，始终唔係「赌神」，无法将手上一副「烂牌」变好，现时只能紧随李斯特城其后排第3位，同榜首利物浦更加相距14分之多。

曼城伤兵多「狐狸」防守稳
李斯特城今季屡创惊喜，除射手占美华迪大爆发外，队中小将占士麦迪臣、泰利文斯及芝维尔等人的表现亦日渐成熟，加上领队罗渣士先做好防守工作嘅战术，「狐狸」不但藉此杀上次席，得失球差亦係目前英超最佳。李城开咧至今17场联赛仅失11球，比「1哥」利物浦更少3球，为英超失球最少队伍，今场火併曼城肯定先做好防守。

不过，值得留意嘅係，英超圣诞新年快车赛期相当频密，各队都要识得留放，尤其高手过招，更加会係「一招了」，肯定要踢得更谨慎。「蓝月亮」近5次对李城仅2胜2和1负，唔係话赢硬，加上两军近7次对垒，6次法定时间总入球都喺3球或以下，今场捧中位数3.5球细更佳。