几支出战完欧霸盃嘅球队，周一深夜都会喺联赛出击，阿King决定跟红顶白，捧番两支喺欧霸出到线嘅葡超劲旅士砵亭同波图，至于出唔到线嘅意甲兵拉素就梗係反啦，3串1串埋都有啲肉食！

拉素出局洩气反得过
先讲场意甲卡利亚里对拉素，拉素上周中欧霸作客吞雷恩两蛋，黯然出局。拉素出局难免洩气，而且体力消耗亦比卡利亚里高，加上卡利亚里近13场联赛8胜5和，主场出击更係4连胜，拉素难有甜头，卡利亚里主场受让激笋，捧让球主胜。

（myTV Gold 301、Now 638、有线654及614台周二凌晨3时45分直播）

至于葡超双雄士砵亭及波图分途出击。士砵亭喺欧霸提早出线下，上周中只派副选上阵，返联赛作客对近5次交手全胜嘅辛达卡拉，摆明恰惯对手，客胜抵玩。（周二凌晨3时开赛）

最后波图主场迎击唐迪拉，骤眼睇波图似大炒格，但双方近年对赛波图小胜居多，让球主胜有风险，既然波图近5次交锋4次半场领先，转玩半场主胜。（周二凌晨4时15分开赛）