今晚除咗「寸王首骚」外，尾场曼城主场硬撼车路士同样睇头十足！曼城已渐被利物浦抛甩，加上防线劲多伤兵，领队哥迪奥拿必以攻代守；「车仔」主帅林柏特用人有惊喜，成班生牯仔愈战愈勇，3.5球嘅大盘有买趁早。

（Now 621及611周日凌晨1时30分直播）

两名帅崇尚进攻
两大主帅哥迪奥拿及林柏特球员时代皆係着名中场，负责掌控球队比赛节奏，林柏特更以入波见称，两人从教后同样重视进攻，哥帅推崇层层推进嘅「技术流」，「林伯」则喜欢直截了当快速打法，两派交锋必擦出火花。

曼城上场1比3输畀利物浦跌落第4位，今场绝对唔衰得，但左闸辛真高近日再度受伤，门将艾达臣摩拉斯及中坚拿朴迪仍未康复，费兰甸奴客串中坚亦多甩漏，防线问题难望改善。好在佢哋锋力强横，阿古路伙拍史达宁威力惊人，今场定必火力全开。

车仔喺「林伯」带领下联赛6连胜，依家以1分压住曼城做「3哥」，其中谭美阿巴谦、美臣蒙特及基斯甸普列锡喺联赛共轰19球，加上佐真奴费路刑满复出，保证支援充足。车仔开季6场联赛作客共入18球，有5次开4球或以上，斗攻格局捧3.5球嘅大盘冇衰。