周二晚国际赛大战连场，等阿King度番条过关心水。其中日本将会主场斗委内瑞拉，「蓝武士」虽然有多位主力已提早离队返回球会，不过佢哋近期国际赛战绩够争气，委内瑞拉呢场作客恐怕凶多吉少，主胜值博。

（有线602及662台周二晚6时25分直播）

日本上场世盃外2比0轻取吉尔吉斯之后，主帅森保一畀队长吉田麻也、长友佑都、酒井宏树同连续5场有士哥嘅南野拓实返回各自球会，毕竟呢场只係热身赛，倒不如试试其他球员，例如畀上仗被收起嘅中岛翔哉上阵，搵佢搭住原口元气同柴崎岳，日本中场依旧卡士十足。另边厢，委内瑞拉都有多位球员退队，包括喺欧洲搵食嘅沙治奥哥度华同庄达卡迪斯，随时令箭头人物荷西朗顿孤掌难鸣，捧番日本W好过。

巴西抢缰搵南韩出气
另外，巴西则喺阿联酋同南韩交手，「森巴军团」啱啱友赛不敌阿根廷，呢场肯定搵南韩出气，巴西近10次对亚洲球队全胜，而且全部半场就领先，半场Ｗ唔好错过。最后讲埋U21欧国外，以色列U21主场挑战西班牙U21，「小狂牛」今届赛事4战半赢全赢，呢场抢缰踢法不变，半场客胜係不二之选。