再砌甘马雷斯斗攻
周三晚上演欧霸独脚戏，F组赛事甘马雷斯主场再斗阿仙奴。「兵工厂」后防甩漏甚多睇见都唔开胃，惟有靠前线争气入多几粒，主队甘马雷斯上仗欧霸曾两度领先阿仙奴，今场随时再次抢攻，预计双方会踢得开放，中位数2.5球入球大值得留意。

（myTV Gold 303、Now 643、有线616及656台周三晚11时50分直播）

阿仙奴啱啱喺英超硬撼狼队，喺先领先1球情况下，后防又唔生性出现走漏人情况，最终畀狼队逼和1比1。计埋呢场，阿仙奴近4仗场场有失波，其中3次开3球或以上，包括早前英联盃法定时间内同利物浦上演5比5入球大战。

马天尼利欧霸频有斩获
好彩欧霸分组赛对手实力麻麻，可以畀一班「枪手」睇定嚟踢，发挥因此较为稳定，其中喺英超鲜有机会上阵嘅新星加比尔马天尼利，就成功把握欧霸出场机会频频有士哥，今届已经斩获3球，帮助球队头3轮分组赛全胜。计埋上届，「兵工厂」近5场欧霸盃分组赛赢晒，其中4次开3球或以上，绝对係畀小将们练兵嘅好机会。

葡超代表甘马雷斯欧战经验不足，上轮作客阿仙奴喺两度领先下，最终都难逃2比3输波命运，不过都睇得出甘马雷斯进攻板斧唔算太差。目前3战全败喺F组垫底嘅甘马雷斯，为保住跻身淘汰赛最后希望，今场焗住抢攻，乘主场之利随时再同阿仙奴斗攻，中位数2.5球入球大咪错过。