攻力强横主场尽砌
周五澳职独脚戏，FC悉尼主场迎战纽卡素喷射机。FC悉尼上周虽被西悉尼流浪者打破今季联赛不败身，不过整体表现唔算曳，而且佢哋近年主场专剋喷射机，有力打场翻身仗，主队让半一波童捧上盘。

（myTV Gold 302、Now 639、有线615及655台周五下午4时30分直播）

FC悉尼上周喺打吡战作客西悉尼流浪者输0比1，开季2连胜走势告终，但值得留意FC悉尼喺该场比赛控球比率接近7成，射门次数更录得压倒性优势嘅14比2，睇落表现冇太大走样，若非前锋巴巴路西斯嘅头槌攻门欠运中柱，以及西悉尼守将奇洛巴古斯禁区内疑似手球，但球证睇唔到冇吹罚12码，FC悉尼应未致于会全失3分，相信只要FC悉尼踢番出应有水准，配合喺主场一定搏命嘅决心，绝对有本钱重敲胜鼓。

作客悉尼喷射机未威过
上季常规赛排第7、无缘季后赛嘅喷射机低处未算低，今季放走前线主力奥当路云后，开季2场联赛仅得1分，联赛首仗面对近4季常规赛有3次包尾嘅弱旅中岸水手，最终喷机机都要几经艰辛先抢番1分，整体表现令人失望，依家球员信心同状态都有所不足，作客出击更加不容乐观，毕竟喷射机近年作客FC悉尼都係输多赢少，对上6次造访悉尼只得1和5负未赢过，今仗主队FC悉尼让半一唔算多，上盘捧得过。